Medlemskontingent 2020
No kjem snart medlemskontingenten for 2020. Seint, men forhåpentlegvis godt! Nytt frå i år av er at du får ein e-post, med ei lenke som fører deg til di brukarside på hjelmelandil.no. Her ligg oversikt over medlemsskap som du administrerar (familiemedlemmer). Medlemskontigenten ligg i handlekorga, og det er berre å gå rett til betaling. Lett som ein plett!
Denne endringa kjem blant anna som følge av endringar i reglane til Norges idrettsforbund. Endringa gjer også at me ikkje lenger har familiekontigent.
Årsmøtet i idrettslaget har gjort vedtak om nye kontingentsatsar:
| Type medlemsskap | Pris i kr |
| Enkeltmedlem barn i skulealder | 500 |
| Enkeltmedlem vaksne | 500 |
| Enkeltmedlem førskule | Gratis |
| Støttemedlem | 300 |
(Idrettslaget dekker kontingenten for dei som har fritidskort)
Me blir veldig glade for tilbakemelding dersom du oppdagar feil i fakturaen, eks. feil kontigentsats eller at du får faktura for eit barn som er utmeld eller at nokon manglar. Jo raskare du gir tilbakemelding, jo raskare får me retta opp feilen.
Kontingent også i korona-året?
Kanskje er det nokon som lurer på om det er rett å kreva full kontingent i eit år der aktiviteten har vore mindre på grunn av korona-restriksjonane.
For idrettslaget er kontigenten viktig også i år! Både for å kunna halda fram med aktiviteten resten av året og for å legga til rette for aktivitet også framover.
Me håpar på forståing for det.
